ရန်ကုန်တိုင်းအတွင်း G3G Application ဖြင့် စားသုံးဆီဝယ်ယူနိုင်ပြီ

ရန်ကုန်တိုင်းဒေသကြီးအတွင်းရှိ မှတ်ပုံတင်ကိုင်ဆောင်ထားသူ မည်သူမဆို G3G Application ကို အသုံးပြု၍ စားသုံးဆီများကို အိမ်တိုင်ရာရောက် (Door-to-Door) စနစ်ဖြင့် အလွယ်တကူ ဝယ်ယူနိုင်ပြီဖြစ်ကြောင်း မတ် ၁၆ ရက်တွင် UMFCCI ၌ ကျင်းပသည့် မိတ်ဆက်ပွဲမှတစ်ဆင့် သိရသည်။ G3G Application သည် မြန်မာ့ MSME ထုတ်ကုန်များကို ပြည်တွင်းပြည်ပ အသုံးပြုသူများနှင့် ဒစ်ဂျစ်တယ်နည်းပညာဖြင့် ချိတ်ဆက်ပေးကာ စီးပွားရေးတိုးတက်မှုကို အားပေးမြှင့်တင်ရန် တီထွင်ထားခြင်းဖြစ်ပြီး၊ ယခုအခါ ရန်ကုန်တိုင်းအတွင်းရှိ မြို့နယ်များသို့ စားသုံးဆီများကို တရားဝင် ဖြန့်ဖြူးရောင်းချပေးသွားမည်ဖြစ်ကြောင်း Application ၏ Head of IT ဦးစွမ်းထက်အောင်က ရှင်းလင်းပြောကြားခဲ့သည်။