ထိုင်းအစိုးရက မနက်ဖြန် ဒီဇယ်ဈေးတိုးမြှင့်မည်

ထိုင်းအစိုးရသည် ပြည်တွင်းဒီဇယ်လက်လီဈေးနှုန်းကို လက်ရှိ ၂၉.၉၄ ဘတ်မှ တစ်လီတာလျှင် ၃၃ ဘတ်သို့ မတ်လ ၁၈ ရက်နေ့မှစတင်ကာ တိုးမြှင့်သတ်မှတ်သွားမည်ဖြစ်ကြောင်း ဒုတိယဝန်ကြီးချုပ်နှင့် ပို့ဆောင်ရေးဝန်ကြီး Phiphat Ratchakitprakarn က အတည်ပြုပြောကြားလိုက်သည်။ အဆိုပါဈေးနှုန်းတိုးမြှင့်ရခြင်းမှာ ရေနံလောင်စာဆီရန်ပုံငွေ (Oil Fuel Fund) တွင် ဘတ် ၁၂ ဘီလီယံကျော် လိုငွေပြနေခြင်းကြောင့်ဖြစ်ပြီး၊ ဝန်ကြီးက နိုင်ငံအတွင်း ၉၆ ရက်စာအတွက် လုံလောက်သော ဆီသိုလှောင်မှုရှိကြောင်းနှင့် အချို့နေရာများတွင် ဆီပြတ်လပ်မှုမှာ သယ်ယူပို့ဆောင်ရေးနှောင့်နှေးမှုကြောင့်သာဖြစ်ကြောင်း ရှင်းလင်းပြောကြားခဲ့သည်။