တရားမဝင်ငွေကြေးများကို တရားဝင်ဘဏ် လုပ်ငန်းစနစ်အသုံးချပြီး လွှဲပြောင်း နေရာချထားမှု ဆောင်ရွက်ခြင်းကြောင့် နိုင်ငံစီးပွားရေတည်ငြိမ်မှုတို့ကို ထိခိုက်စေနိုင်

တရားမဝင်ငွေကြေးများကို တရားဝင်ဘဏ်လုပ်ငန်းစနစ်များ အသုံးချ၍ လွှဲပြောင်းနေရာချထားခြင်းသည် နိုင်ငံ၏ စီးပွားရေးတည်ငြိမ်မှု၊ ငွေရေးကြေးရေးကဏ္ဍ ခိုင်မာမှုနှင့် ရင်းနှီးမြှုပ်နှံမှုများကို ကြီးလေးစွာ ထိခိုက်စေနိုင်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဒေါက်တာကံဇော်က ပြောကြားလိုက်သည်။ ယမန်နေ့က ကျင်းပသည့် ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေး (AML/CFT) သင်တန်းဖွင့်ပွဲတွင် ၎င်းက ထည့်သွင်းပြောကြားခဲ့ခြင်းဖြစ်ပြီး၊ တရားဥပဒေစိုးမိုးရေးအဖွဲ့အစည်းများနှင့် ကြီးကြပ်မှုအာဏာပိုင်များအနေဖြင့် ကဏ္ဍအလိုက် ထိရောက်စွာ ပူးပေါင်းဆောင်ရွက်ရန် လိုအပ်ကြောင်းလည်း တိုက်တွန်းခဲ့သည်။