ထိုင်းနိုင်ငံ ဘန်ကောက်မြို့တော်ရှိ MBK Mall တွင် ဘတ် သန်း ၃၀ တန်ဖိုးရှိ ကုန်ပစ္စည်းအတုများကို သိမ်းဆည်းရမိ

ထိုင်းနိုင်ငံ၏ နာမည်ကြီး MBK Mall ကို အာဏာပိုင်များက ဝင်ရောက်စီးနင်းခဲ့ရာ နိုင်ငံတကာအမှတ်တံဆိပ်ကြီးများကို အတုပြုလုပ်ထားသည့် ကာလတန်ဖိုး ဘတ် သန်း ၃၀ ခန့်ရှိသော ကုန်ပစ္စည်းအတုပေါင်း ၁ သိန်းကျော်ကို သိမ်းဆည်းရမိခဲ့ကြောင်း သိရသည်။ အမေရိကန်ကုန်သွယ်ရေးကိုယ်စားလှယ်ရုံး (USTR) ၏ အမည်ပျက်စာရင်းတွင် MBK Mall ပါဝင်လာပြီးနောက် မူပိုင်ခွင့်ဦးစီးဌာန (DIP) နှင့် အထူးစုံစမ်းစစ်ဆေးရေးဌာန (DSI) တို့က မတ်လ ၁၂ ရက်တွင် ဆိုင်ခန်း ၁၇ ခန်းနှင့် ဂိုထောင်များကို ရှာဖွေစစ်ဆေးခဲ့ခြင်းဖြစ်သည်။ ၎င်းစီးနင်းမှုအတွင်း Christian Dior၊ Nike၊ Gucci၊ Chanel နှင့် Louis Vuitton အစရှိသည့် အမှတ်တံဆိပ်တု အိတ်များ၊ ဖိနပ်များနှင့် အဝတ်အထည်များကို တွေ့ရှိခဲ့ပြီး MBK စီမံခန့်ခွဲရေးအဖွဲ့ကလည်း အဆိုပါဆိုင်ခန်းများကို အငှားစာချုပ်ရပ်စဲကာ အရေးယူသွားမည်ဟု အတည်ပြုထားကြောင်း သိရသည်။