အာဖဂန်နစ္စတန်ဘောလုံးအဖွဲ့ချုပ် (AFF) ဟာ မြန်မာ့လက်ရွေးစင်အသင်းနဲ့ ယှဉ်ပြိုင်မယ့်ပွဲမတိုင်မီ ဘရာဇီးလ်နိုင်ငံသား နည်းပြ ဂျို့စ် အန်တိုနီယို နိုဂူရာ ကို နည်းပြသစ်အဖြစ် တစ်နှစ်စာချုပ်နဲ့ ခန့်အပ်ခဲ့ပါတယ်။နိုဂူရာဟာ ယခင်က ဘရာဇီးလ်ကလပ်အသင်းများကို ကိုင်တွယ်ခဲ့သလို ၂၀၁၈-၂၀၁၉ ခုနှစ်တွေမှာ ပါကစ္စတန်လက်ရွေးစင်အသင်းနဲ့ ယူ-၂၃ အသင်းကိုလည်း တာဝန်ယူခဲ့ဖူးပါတယ် ။နိုဂူရာလက်ထက်မှာ အာဖဂန်နစ္စတန်အသင်းဟာ နိုင်ငံတကာပွဲ မကစားရသေးပေမယ့် မတ် ၇ ရက်မှစတင်ပြီး မြန်မာအသင်းနဲ့ပွဲအတွက် လေ့ကျင့်မှုများ စတင်ပြုလုပ်နေပြီဖြစ်ပါတယ်။၂၀၂၇ AFC Asian Cup ခြေစစ်ပွဲ (တတိယအဆင့်) အုပ်စုအဆင့်ပွဲအဖြစ် အာဖဂန်နစ္စတန်အသင်းနဲ့ မြန်မာအသင်းတို့ဟာ မတ် ၂၆ ရက် မှာ ယှဉ်ပြိုင်ကစားသွားမှာဖြစ်ပါတယ် ။
