ဗီယက်နမ်ရဲတပ်ဖွဲ့က တစ်ရက်အတွင်း အမြန်လမ်းပေါ်တွင် ကားရပ်၍ အိပ်စက်ခြင်းနှင့် ဆီးသွားခြင်းတို့ ပြုလုပ်ခဲ့သည့် ယာဉ်မောင်း ၆၀ ဦးကို ဒဏ်ရိုက်အရေးယူ

ဗီယက်နမ်နိုင်ငံရှိ အမြန်လမ်းမကြီးများပေါ်တွင် ယာဉ်ရပ်နားရန် မသတ်မှတ်ထားသော နေရာများ၌ ကားရပ်နားပြီး အိပ်စက်ခြင်း၊ အနားယူခြင်းနှင့် ဆီးသွားခြင်းတို့ ပြုလုပ်ခဲ့သည့် ယာဉ်မောင်း ၆၀ ဦးကို ရဲတပ်ဖွဲ့က တနင်္လာနေ့ (မတ်လ ၁၆ ရက်၊ ၂၀၂၆) တစ်ရက်တည်းအတွင်း ရှောင်တခင် စစ်ဆေးကာ ဒဏ်ရိုက်အရေးယူခဲ့ကြောင်း သတင်းထုတ်ပြန်ခဲ့ပါသည်။ အာဏာပိုင်များ၏ အဆိုအရ အမြန်လမ်းပေါ်တွင် စည်းကမ်းမဲ့ ယာဉ်ရပ်နားခြင်းသည် နောက်မှလာသော ယာဉ်များကို အန္တရာယ်ဖြစ်စေပြီး ပြင်းထန်သော ယာဉ်တိုက်မှုများ ဖြစ်ပွားစေနိုင်သည့်အပြင် ယာဉ်ကြောပိတ်ဆို့မှုများကိုလည်း ဖြစ်ပေါ်စေသည်ဟု သိရသည်။ ထို့ကြောင့် ရဲတပ်ဖွဲ့သည် ကင်မရာမှတ်တမ်းများနှင့် ကင်းလှည့်စစ်ဆေးမှုများကို အသုံးပြု၍ စည်းကမ်းဖောက်ဖျက်သူများကို ဖော်ထုတ်အရေးယူလျက်ရှိပြီး၊ ယာဉ်မောင်းများအနေဖြင့် အမြန်လမ်းမကြီးများပေါ်ရှိ သတ်မှတ်ထားသော နားနေစခန်း (Rest Area) များတွင်သာ ရပ်နားကြရန်နှင့် လုံခြုံရေးစည်းကမ်းများကို တိကျစွာ လိုက်နာကြရန် သတိပေးနှိုးဆော်ထားကြောင်း သတင်းတွင် ဖော်ပြထားသည်။