ချင်းအမျိုးသမီးငယ်တဦး မလေးရှားမှာ မိမိကိုယ်ကိုအဆုံးစီရင်

မလေးရှားနိုင်ငံရောက် ချင်းလူငယ်အမျိုးသမီးတဦး ယမန်နေ့မှာ မိမိကိုယ်ကိုအဆုံးစီရင်ခဲ့တယ် လို့ မလေးရှားရောက် သတင်းအရင်းအမြစ်များထံကနေ သိရပါတယ်။ယခုလို အဆုံးစီရင်သူဟာ ချင်းပြည်နယ်၊ ထန်တလန်မြို့နယ်၊ ဇိုဖေရမ်ဒေသ၊ အိုင်ဘူရ်ကျေးရွာ ဒေသခံ မိုင်ဒေါခ့်ခွန်းတီာလ် ( Mai Dawt Khun Tial ) အသက် ၁၈ နှစ်ဖြစ်တယ်လို့ သိရပါတယ်။အဆိုပါအမျိုးသမီးငယ်ဟာ မလေးရှား ၊ Pudu မှာနေထိုင်သူဖြစ်ပြီး လက်ရှိမလေးရှားအခြေအနေ၊ အလုပ်အခြေအနေ နဲ့ မိသားစုအခြေအနေများကြောင့် စိတ်ဖိစီးမှုအလွန်များပြီး အခုလိုအဆုံးစီရင်သွားတာဖြစ်နိုင် တယ်လို့ သတင်းအရင်းအမြစ်က သုံးသပ်ပြောကြားထားပါတယ်။ဒီကိစ္စနဲ့ပတ်သက်ပြီး မလေးရှားရောက်လူငယ်တဦးက “ သူက Pudu မှာနေထိုင်သူပါ။ အခုတလောသူ စိတ်ဖိစီးမှုအရမ်းများတယ်ပြောကြတယ်။ ဒါကြောင့် ကြိုဆွဲချအဆုံးစီရင်သွားတာပါ။ လူငယ်လေးတဦးအခုလို ဖြစ်သွားတဲ့အပေါ်အရမ်းစိတ်မကောင်းဖြစ်ရပါတယ်။” လို့ ပြောပါတယ်။