ဒူဘိုင်းတွင် အီရန်တိုက်ခိုက်မှုဓာတ်ပုံ၊ ဗီဒီယိုများကြောင့် လူ ၂၁ ဦး ဖမ်းဆီးခံရ

ယူအေအီးနိုင်ငံ၊ ဒူဘိုင်းမြို့တွင် အီရန်၏ တိုက်ခိုက်မှုကြောင့် ဖြစ်ပေါ်လာသည့် ပျက်စီးဆုံးရှုံးမှု ဓာတ်ပုံနှင့် ဗီဒီယိုများကို အွန်လိုင်းပေါ်၌ မျှဝေခြင်း၊ သိမ်းဆည်းခြင်းနှင့် မှတ်ချက်ပေးခြင်းတို့ကြောင့် ကမ္ဘာလှည့်ခရီးသွားများနှင့် Influencer များအပါအဝင် လူ ၂၁ ဦးကို ဆိုက်ဘာပြစ်မှုဥပဒေဖြင့် ဖမ်းဆီးထားကြောင်း သိရသည်။ ဖမ်းဆီးခံရသူများထဲတွင် အသက် ၆၀ အရွယ် ဗြိတိန်နိုင်ငံသားတစ်ဦးလည်း ပါဝင်နေပြီး၊ ၎င်းတို့အနေဖြင့် ထောင်ဒဏ် ၂ နှစ်အထိဖြစ်စေ၊ ဒေါ်လာ ၅,၅၀၀ မှ ၅၅,၀၀၀ ကြား ငွေဒဏ်ဖြစ်စေ ချမှတ်ခံရနိုင်သည့်အပြင် ပြည်နှင်ဒဏ်လည်း ခံရနိုင်ကြောင်း သိရသည်။ ယူအေအီးအာဏာပိုင်များက ယင်းသို့ တင်းကျပ်ခြင်းမှာ လူထုဘေးကင်းရေးအတွက်ဖြစ်ကြောင်း ပြောဆိုသော်လည်း၊ တက်ကြွလှုပ်ရှားသူများကမူ သာမန်မှတ်ချက်ပေးရုံမျှဖြင့် ဖမ်းဆီးခြင်းမှာ လွန်ကဲသည်ဟု ဝေဖန်နေကြပြီး၊ အလားတူကာလအတွင်း အီရန်၏ တိုက်ခိုက်မှုများကြောင့် ယူအေအီးတွင် လူ ၆ ဦး သေဆုံးကာ ၁၄၀ ကျော် ဒဏ်ရာရရှိခဲ့ကြောင်း သိရသည်။