မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ်ကော်မ တီမှ ကြီးမှူးကျင်းပခဲ့သည့် MNL II Promotion Amateur Club Tournament 2026 ပြိုင်ပွဲ ချန်ပီယံလုပွဲ(ဗိုလ်လုပွဲ) အား ယနေ့ မတ်လ(၁၅)ရက် ၊ ညနေပိုင်းက ကျင်းပခဲ့ပြီး Enjoy Brother FC အသင်းက Happy Friendship FC အ သင်းကို (၃)ဂိုး(၂)ဂိုးဖြင့် အနိုင်ရ ဗိုလ်စွဲခဲ့သည်။ပြိုင်ပွဲတွင် အနိုင်ရဗိုလ်စွဲနိုင်ခဲ့သည့် Enjoy Brother FC အ သင်းသည် ချန်ပီယံဆုဖလားနှင့်အတူ ဆုကြေးငွေကျပ်သိန်း (၅၀)၊ ဒုတိယရရှိခဲ့သည့် Happy Friend ship FC အသင်းသည် ဆုကြေးငွေကျပ်သိန်း (၃၀) ရရှိခဲ့ပြီး မြန်မာနေရှင်နယ်လိဂ်ကော်မတီဥက္ကဋ္ဌ ဦးဇော်မင်းသိန်း၊ မြန်မာ နိုင်ငံဘောလုံးအဖွဲ့ချုပ် အထွေထွေအတွင်းရေးမှူး ဦးထွန်းထွန်းအောင်နှင့် မြန်မာနေရှင်နယ်လိဂ် အမှုဆောင်အရာရှိချုပ် ဦးစိုးမိုးကျော်တို့က တက်ရောက်ချီးမြှင့်ပေးခဲ့သည်။MNL 2 Promotion Amateur Club Tournament 2026 ပြိုင်ပွဲတွင် ပထမရရှိသည့် Enjoy Brother FC နှင့် ဒုတိယရရှိသည့် Happy Friendship FC အသင်းတို့ အနေဖြင့် လာမည့်ရာသီ မြန်မာနေရှင်နယ်လိဂ် -၂ ပြိုင်ပွဲသို့ တန်းတက်ယှဉ်ပြိုင်ခွင့် ရရှိခဲ့ပြီဖြစ်သည်။
