စင်ကာပူနိုင်ငံ၊ Eunos ရှိ MapleBear Kids Adventure မူကြိုကျောင်းတွင် ကျောင်းသား ၁၇ ဦးနှင့် ဝန်ထမ်း ၂ ဦး၊ စုစုပေါင်း ၁၉ ဦးတို့သည် အစာအိမ်နှင့် အူလမ်းကြောင်း ရောင်ရမ်းမှု (Gastroenteritis) လက္ခဏာများ ခံစားခဲ့ရကြောင်း အာဏာပိုင်များက စုံစမ်းစစ်ဆေးနေပါသည်။မူကြိုကျောင်းဘက်မှ ၎င်းသည် ပြင်ပမှ အစားအသောက်ပေးသွင်းသူကြောင့် ဖြစ်ရသည့် အစာအဆိပ်သင့်မှုမဟုတ်ဘဲ ဗိုင်းရပ်စ်ပိုးကြောင့်ဖြစ်သည့် ကူးစက်မှု (Viral Infection) သာဖြစ်ကြောင်း ငြင်းဆိုထားပါသည်။အဆိုပါကျောင်းသို့ နေ့လယ်စာ ပေးသွင်းသည့် SATS Catering ကမူ ၎င်းတို့သည် ဗုဒ္ဓဟူးနေ့က နေ့လယ်စာ ၉၆ ပွဲ ပေးသွင်းခဲ့ကြောင်း။ထိုနေ့လယ်စာများသည် အခြားကျောင်းများသို့ ပေးသွင်းခဲ့သည့် ဟင်းအိုးကြီးတစ်အိုးတည်း (စုစုပေါင်း ၂,၁၈၈ ပွဲ) မှ ဖြစ်ကြောင်းနှင့် အခြားကျောင်းများတွင် တစ်စုံတစ်ရာ ပြဿနာမရှိကြောင်းပြောကြားခဲ့သည်။လက်ရှိတွင် SATS က နေ့လယ်စာ နမူနာများကို ဓာတ်ခွဲခန်းသို့ ပို့ဆောင်စစ်ဆေးနေပြီး SFA ကလည်း အစားအသောက် လုပ်ငန်းရှင်များအနေဖြင့် ဘေးကင်းလုံခြုံမှု စည်းကမ်းများကို တိကျစွာ လိုက်နာရန် သတိပေးထားပါသည်။
