ဝက်စ်ဟမ်းနဲ့ပွဲမှာ အမှတ်လျော့ရင် ချန်ပီယံလုပွဲ ပြီးဆုံးသွားပြီလို့ ဂွါဒီယိုလာ သုံးသပ်

မန်စီးတီးအသင်းနည်းပြ ဂွါဒီယိုလာက ဝက်စ်ဟမ်းနဲ့ပွဲမှာ အမှတ်လျော့ရင် သူ့အသင်းအတွက် ပရီးမီးယားလိဂ်ချန်ပီယံလုပွဲ ပြီးဆုံးသွားပြီလို့သုံးသပ်ခဲ့ပါတယ်။လက်ရှိအမှတ်ပေးဇယားမှာ အာဆင်နယ်အသင်းက တစ်ပွဲပို ခုနစ်မှတ်အသာနဲ့ ဦးဆောင်နေပြီး မန်စီးတီးက လက်ကျန် ကိုးပွဲ၊ အာဆင်နယ်ကရှစ်ပွဲကစားဖို့ ကျန်နေပါသေးတယ်။ဒီနှစ်သင်းဟာ လာမယ့်ဧပြီလ ၁၉ ရက် မန်စီးတီးရဲ့အီတီဟတ်ကွင်းမှာ ထိပ်တိုက်ရင်ဆိုင်ရဖို့လည်း ရှိပါတယ်။