မွန်ပြည်နယ်၊မော်လမြိုင်ဆီဆိုင်များ ပိတ်ချင်သည့်အချိန် ပိတ်နေ၍ တန်းစီသူများ အခက်တွေ့

မွန်ပြည်နယ်၊မော်လမြိုင်မြို့ရှိ စက်သုံးဆီဆိုင်များမှာ ပိတ်ချင်သည့်အချိန် ပိတ်နေ၍ တန်းစီနေသူ များ အခက်တွေ့နေကြကြောင်း သိရသည်။မော်လမြိုင်မြို့ပေါ်ရှိ စက်သုံးဆီဆိုင်များမှာ စုံနှင့်မ ကို နားလည်သလို မှတ်ယူကာ တစ်ဆိုင် တစ်မျိုး ရောင်းချနေကြပြီး မည်သည့်အကြောင်းပြချက်မျှမပေးဘဲ ဆိုင်ပိတ်ချင်သည့်အချိန် ပိတ်နေကြ ကြောင်း မော်လမြိုင်မြို့ခံအချို့ထံက သိရသည်။မော်လမြိုင်မြို့ပေါ်ရှိ ဆီဆိုင်တိုင်းတွင် ၄၅မိနစ်ခန့် တန်းစီပြီးမှ ဆီဝယ်ယူရန် အလှည့်ရောက် ကြောင်း သိရသည်။မော်လမြိုင်မြို့အနီးရှိ ပေါင်နှင့်ချောင်းဆုံမြို့တို့တွင်လည်း ဆိုင်ပိတ်ချင်သည့်အချိန် ပိတ်နေကြောင်း သိရသည်။