အရှေ့အလယ်ပိုင်းဒေသသို့ ထိုင်းဆန်တင်ပို့မှုများသည် စစ်ပွဲကြောင့် ရပ်တန့်နေ

ထိုင်းနိုင်ငံ၏ အကြီးဆုံးဆန်ဈေးကွက် ဖြစ်သည့် အရှေ့အလယ်ပိုင်းဒေသသို့ ထိုင်းဆန်တင်ပို့မှုများသည် စစ်ပွဲကြောင့် ရပ်တန့်နေသည်။ အီရတ်သို့ တင်ပို့သော ဆန်တန်ချိန် ၈၀,၀၀၀ တင်ထားသည့် သင်္ဘောနှစ်စင်းကို ယခုအပတ်တွင် ဘန်ကောက်ဆိပ်ကမ်းမှာ ရပ်ဆိုင်းထားပြီး ဝယ်ယူသူများက ဆန်အိတ်များထည့်ထားသည့် ကွန်တိန်နာများကို ပြန်ချရန်နှင့် ဆန်များကို ဂိုဒေါင်များသို့ ပြန်ပို့ရန် ညွှန်ကြားထားကြောင်း ထိုင်းဆန်တင်ပို့သူများအသင်း၏ ဂုဏ်ထူးဆောင်ဥက္ကဋ္ဌ Chookiat Ophaswongse က အင်တာဗျူးတစ်ခုတွင် ပြောကြားခဲ့သည်။ "အရာအားလုံး ရပ်တန့်နေပါတယ်" ဟု Chookiat က ပြောကြားခဲ့ပြီး အရှေ့အလယ်ပိုင်းသို့ တင်ပို့မှုများကို လပေါင်းများစွာ ရပ်ဆိုင်းထားနိုင်ကြောင်း ၎င်းက ပြောကြားခဲ့သည်။ "ဘာဖြစ်လာမလဲဆိုတာ ဘယ်သူမှ မသိတဲ့အတွက် ဝယ်ယူမှုအသစ်တွေလည်း မရှိပါဘူး"ဟု ၎င်းက ဆိုသည်။