လာအိုနိုင်ငံ၊သာခေတ်မြို့၊ မဲခေါင်မြစ်ကမ်းပါး ထိန်းသိမ်းရေးစီမံကိန်း ၂၀၂၆ ခုနှစ် နှစ်လယ်တွင် အပြီးသတ်ရန် ရှေ့ဆက်ဆောင်ရွက်နေ

လာအိုနိုင်ငံ၊ ခမ်မွန် (Khammouane) ပြည်နယ်ရှိ သာခေတ်မြို့တွင်အကောင်အထည်ဖော်နေသည့် မဲခေါင်မြစ်ကမ်းပါး ပြိုကျမှုကာကွယ်ရေးနှင့် မြို့ပြသာယာလှပရေး စီမံကိန်းသည် လက်ရှိတွင် သိသာထင်ရှားသော တိုးတက်မှုများ ရရှိနေပြီး ၂၀၂၆ ခုနှစ်၊ ဇွန်လဝန်းကျင်တွင် အပြီးသတ်နိုင်ရန် မျှော်မှန်းထားကြောင်း ကြာသပတေးနေ့ (မတ်လ ၁၂ ရက်၊ ၂၀၂၆) တွင် သတင်းထုတ်ပြန်ခဲ့ပါသည်။ အဆိုပါစီမံကိန်းတွင် မြစ်ကမ်းပါးတိုက်စားမှုကို ကာကွယ်ရန် ခိုင်ခံ့သော ကျောက်စီနံရံများ တည်ဆောက်ခြင်း၊ အများပြည်သူ အပန်းဖြေနိုင်မည့် ပန်းခြံနှင့် လမ်းလျှောက်လမ်းများ ထည့်သွင်းခြင်းတို့ ပါဝင်ပြီး၊ စီမံကိန်းပြီးဆုံးပါက မြစ်ကမ်းနားတစ်လျှောက်ရှိ အခြေခံအဆောက်အအုံများကို ရေဘေးအန္တရာယ်မှ ကာကွယ်ပေးနိုင်မည့်အပြင် ဒေသတွင်း ခရီးသွားလုပ်ငန်းနှင့် စီးပွားရေးလုပ်ငန်းများကိုပါ အထောက်အကူပြုလာမည်ဖြစ်ကြောင်း သတင်းတွင် ဖော်ပြထားသည်။