ချင်းပြည်နယ်၊ မတူပီခရိုင်၊ ပလက်ဝမြို့နယ်ရှိ ဘုံလိုင်ကျေးရွာမှာ ပြုလုပ်တဲ့ ဆုတောင်းပွဲသို့ သွားရောက်ခဲ့တဲ့ ဆယ်တန်း ကျောင်းသူတဦး ရေချိုးရာမှ ရေနစ်သေဆုံးခဲ့တယ်လို့ ဖြစ်စဥ်သိရှိသူ ဒေသခံတဦးက ပြောပါတယ်။သေဆုံးသူမှာ ပလက်ဝမြို့နယ်၊ စင်ကီတောင်ကျေးရွာမှ မမေရီဂျွန်း အသက် ၂၀ နှစ်အရွယ်ဖြစ်ပြီး သူမဟာ Grade 12 တန်း ကျောင်းသူတဦးလည်း ဖြစ်ပါတယ်။ပြီးခဲ့တဲ့ မတ်လ ၉ ရက်နေ့၊ ညနေ ၄ နာရီဝန်းကျင်မှာ သူငယ်ချင်းတွေနဲ့ အတူ ဘုံလိုင်ချောင်းအတွင်း ရေချိုးကြစဉ် အခုလို မတော်တဆဖြစ်ပွားခဲ့ခြင်း ဖြစ်ပါတယ်။ရေချိုးနေစဉ်အတွင်း မမေရီဂျွန်းအပါအဝင် အမျိုးသမီးငယ် ၄ ဦးစလုံး ရေနစ်ခဲ့ကြခြင်းဖြစ်ပြီး အနီးနားရှိသူတွေက ဝိုင်းဝန်းကယ်ဆယ်ခဲ့ကြပါတယ်။ဒါပေမဲ့ အမျိုးသမီးငယ် ၃ ဦးကို အချိန်မီ ပြန်လည်ကယ်တင်နိုင်ခဲ့ပေမဲ့ မမေရီဂျွန်းကိုမူ ကယ်တင်နိုင်ခြင်းမရှိဘဲ ရေနစ်သေဆုံးခဲ့ရတာဖြစ်လို့ သိရပါတယ်။
ချင်းပြည်နယ်၊ပလက်ဝမှာ ဆုတောင်းပွဲသွားတဲ့ ဆယ်တန်းကျောင်းသူတဦး ချောင်းအတွင်း ရေနစ်သေဆုံး
Mar 13 • 1:57 AM
Myanmar
Chin
Share
 13 |  0 |  0 |  0 |
