အာဆီယံပြိုင်ပွဲအတွက် မြန်မာ့လက်ရွေးစင် အမျိုးသားဖူဆယ်အသင်း ပဏာမလူစာရင်းထုတ်ပြန်လာ

ထိုင်းနိုင်ငံမှာ ကျင်းပမယ့် ASEAN Futsal Championship 2026 ပြိုင်ပွဲအတွက် မြန်မာ့လက်ရွေးစင် အမျိုးသားဖူဆယ် အသင်း ပဏာမကစားသမား ၂၆ ဦးစာရင်းကို နည်းပြချုပ်ဖြစ်သူ Mr. Pattaya Piemkum က ဒီနေ့မှာ ထုတ်ပြန်လိုက်ပါတယ်။ပဏာမ မြန်မာ့လက်ရွေးစင် ဖူဆယ် အမျိုးသားအသင်းဟာ မတ်လ ၁၃ ရက်က စတင်ကာ စခန်းဝင်လေ့ကျင့်မှုတွေ ပြုလုပ်မှာ ဖြစ်ပါတယ်။မတ်လ၂၉ရက်မှာတော့ ထိုင်းနိုင်ငံကို သွားရောက်ကာ စခန်းသွင်းလေ့ကျင့်မှုတွေနဲ့ ခြေစမ်းပွဲတွေ ကစားဖို့ ပြုလုပ်သွားမယ်လို့လည်း ဖူဆယ်ကော်မတီက ထုတ်ပြန်ထားပါတယ်။

ASEAN Futsal Championship 2026 ပြိုင်ပွဲကို ဧပြီ ၆ ရက်ကနေ ၁၂ ရက်အထိ ထိုင်းနိုင်ငံ နော်သမ်ဘူရီအားကစားကွင်းမှာ ကျင်းပမှာလည်းဖြစ်ပါတယ်။မြန်မာ့လက်ရွေးစင် အမျိုးသားဖူဆယ်အသင်းဟာ ASEAN Futsal Championship 2026 ပြိုင်ပွဲရဲ့ အုပ်စု(က)မှာ ထိုင်း၊ ဗီယက်နမ်၊ အရှေ့တီမောအသင်းတို့နဲ့ ယှဉ်ပြိုင်ရမှာ ဖြစ်ပါတယ်။