အွန်လိုင်းလိမ်လည်မှုလုပ်ငန်းများတွင် ပါဝင်ခဲ့ကြသည့် ပြည်ပနိုင်ငံသား ၇၃ ဦးကို ယနေ့ တွင် သက်ဆိုင်ရာနိုင်ငံများသို့လွှဲပြောင်း

အွန်လိုင်းလိမ်လည်မှုလုပ်ငန်းများတွင် ဆက်စပ်ပါဝင်ခဲ့သည့် ပြည်ပနိုင်ငံသား ၇၃ ဦးကို ၂၀၂၆ ခုနှစ်၊ မတ်လ ၁၀ ရက် တွင် သက်ဆိုင်ရာနိုင်ငံများသို့ လွှဲပြောင်းပေးအပ်ခဲ့ပြီး မြဝတီမြို့နယ်အတွင်း ၂၀၂၁ ခုနှစ်မှ ယနေ့အထိ တရားမဝင်ဝင်ရောက်လာသည့် ပြည်ပနိုင်ငံသား စုစုပေါင်း (၁၄,၃၉၃) ဦးကို ထိန်းသိမ်းနိုင်ခဲ့ရာ ယင်းအနက်မှ (၁၃,၃၃၅) ဦးအား လွှဲပြောင်းပြီးဖြစ်ကာ ၁,၀၅၈ ဦး ကျန်ရှိနေသေးကြောင်း၊ လက်ရှိတွင် ပြည်ဝင်ခွင့်ဗီဇာစည်းကမ်းဖောက်ဖျက်မှုဖြင့် တရုတ်နိုင်ငံသား ၂၅ ဦးကို တရားစွဲဆိုရန် ဆောင်ရွက်လျက်ရှိပြီး မြန်မာနိုင်ငံအနေဖြင့် အွန်လိုင်းလိမ်လည်မှုလုပ်ငန်းများကို နှိမ်နင်းရန်အတွက် အိမ်နီးချင်းနိုင်ငံများ၊ နိုင်ငံတကာအဖွဲ့အစည်းများနှင့် တက်ကြွစွာ ပူးပေါင်းဆောင်ရွက်လျက်ရှိကြောင်း သိရသည်