တိုင်းရင်းဆေးတက္ကသိုလ်၊ မန္တလေးအနေဖြင့် တိုင်းရင်းဆေးပညာရှင် ၂၀၀၀ ကျော်ကို မွေးထုတ်ပေးနိုင်ခဲ့

တိုင်းရင်းဆေးတက္ကသိုလ်၊ မန္တလေးအနေဖြင့် လက်ရှိအချိန်အထိ တိုင်းရင်းဆေးပညာရှင်ပေါင်း (၂,၀၀၈)ဦးကို မွေးထုတ်ပေးနိုင်ခဲ့ကြောင်း သိရသည်။လက်ရှိအထိ မြန်မာ့တိုင်းရင်းဆေးပညာမဟာဘွဲ့(၁၃၃)ဦး၊ မြန်မာ့တိုင်းရင်းဆေးပညာ ဘွဲ့ရ (၁,၈၇၅)ဦး ရှိခဲ့သည်ဟုလည်း သိရသည်။ မတ်လ(၇)ရက်က မန္တလေးတက္ကသိုလ်၊ ဘွဲနှင်းသဘင်ခန်းမတွင် ကျင်းပခဲ့စဉ်ကလည်း ပညာရေးအဖွဲ့က ကြေညာခံရသူ မြန်မာ့တိုင်းရင်းဆေးပညာမဟာဘွဲ့ ရရှိသူ(၆)ဦး၊ မြန်မာ့တိုင်းရင်းဆေးပညာဘွဲ့(ပုံမှန်) ဘွဲ့ရရှိသူ ၅၂ ဦးနှင့် မြန်မာ့တိုင်းရင်းဆေးပညာဘွဲ့ (ပေါင်းကူး)ဘွဲ့ရရှိသူ(၁၂)ဦးတို့ကိုလည်း တိုင်းရင်းဆေးတက္ကသိုလ်၊ ပါမောက္ခချုပ် ပါမောက္ခဒေါက်တာ သိန်းဇော်လင်းက ဘွဲ့များအပ်နှင်းပြီး ဘွဲ့ရရှိသူစာရင်းကို အတည်ပြု လက်မှတ်ရေးထိုးပေးခဲ့ကြောင်း သိရသည်။