ဗြိတိန်နိုင်ငံ၊ ဘာမင်ဂမ်မြို့တွင် မတ် ၈ ရက်က ကျင်းပသည့် All England အိုးပင်း ကြက်တောင်ရိုက်ချန်ပီယံရှစ်ပြိုင်ပွဲ၌ တရုတ်အသင်းမှ ဝမ်ကျစ်ရီက တောင်ကိုရီးယားအသင်းမှ အန်ဆီယောင်းကို အနိုင်ရရှိကာ အမျိုးသမီးတစ်ဦးချင်းချန်ပီယံဆုကို ဆွတ်ခူးခဲ့သည်။ ဝမ်က ၎င်း၏ ပထမဆုံး All England ချန်ပီယံဆုကို ဆွတ်ခူးခဲ့ခြင်းဖြစ်ပြီး ကမ္ဘာ့အဆင့် ၁ ကစားသမား အန်ဆီယောင်းနှင့် ၂၃ ကြိမ်မြောက် တွေ့ဆုံမှုတွင် ၎င်း၏ ၁၀ ပွဲဆက်တိုက် ရှုံးနိမ့်မှုကို အဆုံးသတ်ခဲ့ခြင်းလည်း ဖြစ်သည်။ ဝမ်က ရှည်လျားသော ယှဉ်ပြိုင်မှုများတွင် စိတ်ရှည်သည်းခံခဲ့ပြီး ၎င်း၏ အမှားများကို အနည်းဆုံးဖြစ်အောင် ထိန်းသိမ်းခဲ့ကာ ပွဲချိန် ၅၉ မိနစ်တွင် ရမှတ် ၂၁-၁၅၊ ၂၁-၁၉ ဖြင့် အနိုင်ရရှိခဲ့သည်။
