ထိုင်းနိုင်ငံတောင်ပိုင်း၊ ဆောင်ခလာပြည်နယ်၊ ရတ္တဖုမ္မိခရိုင်ရှိ အပန်းဖြေစခန်းတစ်ခုတွင်
တရားမဝင် ဝင်ရောက်လာသည့် မြန်မာရွှေ့ပြောင်းလုပ်သား ၄၁ ဦးကို ထိုင်းရဲတပ်ဖွဲ့က ဖမ်းဆီးခဲ့သည်။ ဖမ်းဆီးရမိသူများထဲတွင် အသက် ၅ နှစ်နှင့် ၁၀ နှစ်အရွယ် ကလေးငယ်နှစ်ဦး ပါဝင်ပြီး ၎င်းတို့အားလုံးမှာ မည်သည့်အထောက်အထားမျှ ပြသနိုင်ခြင်း မရှိကြောင်း သိရသည်။ ထို့ပြင် ၎င်းတို့အား သယ်ယူပို့ဆောင်ပေးသည့် ထိုင်းနိုင်ငံသား ၅ ဦး၊ ညှိနှိုင်းပေးသူ မြန်မာနိုင်ငံသား ၂ ဦးနှင့်အတူ သယ်ယူပို့ဆောင်ရေးတွင် အသုံးပြုသည့် မော်တော်ယာဉ် ၇ စီးကိုလည်း ရဲတပ်ဖွဲ့က သိမ်းဆည်းခဲ့သည်။ လက်ရှိတွင် ဖမ်းဆီးရမိသူများကို ဥပဒေအရ အရေးယူနိုင်ရန် သက်ဆိုင်ရာရဲစခန်းသို့ ပို့ဆောင်ထားကြောင်း သိရသည်။
