အရှေ့အလယ်ပိုင်းစစ်မီးကြောင့် ဒူဘိုင်းသူဌေးများ ထိုင်းဇိမ်ခံအိမ်ရာဈေးကွက်သို့ ပြောင်းရွှေ့လာနိုင်

အရှေ့အလယ်ပိုင်းတွင် ဖြစ်ပွားနေသည့် စစ်ရေးပဋိပက္ခများကြောင့် ယခင်က ဘေးကင်းသည်ဟု ယူဆရသည့် ဒူဘိုင်းသည် စစ်ရေးပစ်မှတ်ဖြစ်လာနိုင်သည့် အန္တရာယ်ရှိနေသဖြင့် ချမ်းသာကြွယ်ဝသူများသည် ထိုင်းနိုင်ငံ၏ ဇိမ်ခံအိမ်ရာဈေးကွက်သို့ ပြောင်းရွှေ့လာနိုင်ခြေရှိနေသည်။ ထိုင်းနိုင်ငံ၏ ကောင်းမွန်သော ကျန်းမာရေး၊ ပညာရေးစနစ်နှင့် ပဋိပက္ခကင်းဝေးသည့် အခြေအနေများကြောင့် ဘန်ကောက်၊ ဖူးခက်နှင့် ကော့စမွီတို့မှာ ရင်းနှီးမြှုပ်နှံသူများ၏ စိတ်ဝင်စားမှုကို ရရှိနေခြင်းဖြစ်သည်။ ဤအခွင့်အလမ်းကို အသုံးချရန် အစိုးရအနေဖြင့် မြေယာငှားရမ်းခွင့်သက်တမ်း တိုးမြှင့်ပေးရန် အကြံပြုမှုများရှိနေသော်လည်း စစ်ပွဲရှည်ကြာပါက ရေနံနှင့် သယ်ယူပို့ဆောင်စရိတ် မြင့်တက်လာနိုင်သည့် စိန်ခေါ်မှုများလည်း ရှိနေကြောင်း သိရသည်။