ဒေါ်နယ်ထရမ့်က အီရန်ကို လက်နက်ချဖို့ ပြောကြား

အမေရိကန်နှင့် အစ္စရေးတို့၏ အီရန်အပေါ် စစ်ဆင်ရေး ဒုတိယပတ်အတွင်း သမ္မတ ဒေါ်နယ်ထရမ့်က အီရန်အနေဖြင့် လက်နက်ချရန်နှင့် ခေါင်းဆောင်သစ်ရွေးချယ်မှသာ စီးပွားရေးအရ ပြန်လည်ကူညီမည်ဟု ပြောကြားလိုက်သော်လည်း အီရန်သမ္မတ ပက်ဇက်ရှ်ကီယန်က အရှုံးပေးမည်မဟုတ်ကြောင်း ပြတ်သားစွာ တုံ့ပြန်ခဲ့သည်။ အီရန်သမ္မတသည် အာရပ်နိုင်ငံများအတွင်းသို့ အီရန်၏ တိုက်ခိုက်မှုများ ရောက်ရှိသွားခြင်းအတွက် တောင်းပန်ခဲ့ပြီး အမေရိကန်၏ တိုက်ခိုက်မှုများကို အားမပေးပါက တိုက်ခိုက်မှုရပ်ဆိုင်းမည်ဟု ကတိပြုခဲ့သော်လည်း ယူအေအီးနှင့် ဆော်ဒီတို့တွင် တိုက်ခိုက်မှုများ ဆက်ရှိနေဆဲဖြစ်သည်။ လက်ရှိတွင် အမေရိကန်နှင့် အစ္စရေးတို့က အီရန်၏ လေကြောင်းကာကွယ်ရေး ၈၀ ရာခိုင်နှုန်းကို ဖျက်ဆီးနိုင်ပြီဟု ဆိုထားပြီး အမေရိကန်အစိုးရက စစ်ဆင်ရေးမှာ ၄ ပတ်မှ ၆ ပတ်အထိ ကြာမြင့်နိုင်ကြောင်း ခန့်မှန်းထားသည်။ တစ်ချိန်တည်းမှာပင် ရုရှားက အီရန်အား ထောက်လှမ်းရေးသတင်းများ ပေးပို့ကူညီနေသလို၊ စစ်မီးမှာ လက်ဘနွန်အထိ ကူးစက်ကာ ဟစ်ဇ်ဘိုလာများအပေါ် တိုက်ခိုက်မှုကြောင့် လူသိန်းနှင့်ချီ ထွက်ပြေးတိမ်းရှောင်နေရကြောင်း သိရသည်။