ရှမ်းပြည်နယ်တောင်ပိုင်း တောင်ကြီးမြို့နှင့် ပဲခူးတိုင်းဒေသကြီး ပဲခူးမြို့တို့တွင် မော်တော်ယာဉ်နှင့် ဆိုင်ကယ်များအား သတ်မှတ်ထားသည့် စုံရက်၊ မရက်အတိုင်း မောင်းနှင်သွားလာနိုင်ရေးအတွက်
(မတ်လ ၇ ရက်) မှစတင်ကာ အသိပညာပေးလုပ်ငန်းများ ဆောင်ရွက်လျက်ရှိသည်။ အဆိုပါ အသိပညာပေးကာလကို မတ်လ ၁၃ ရက်အထိ သတ်မှတ်ထားပြီး၊ မတ်လ ၁၄ ရက်နေ့မှစ၍ စည်းကမ်းဖောက်ဖျက်သည့် ယာဉ်များကို One Stop Service အဖွဲ့များက ရာဇသတ်ကြီးဥပဒေပုဒ်မ ၁၈၈ အရ ဖမ်းဆီးအရေးယူသွားမည်ဖြစ်သည်။ ပြစ်ဒဏ်အနေဖြင့် အလုပ်မဲ့ထောင်ဒဏ် (၁) လ၊ ငွေဒဏ် ကျပ် ၂ သောင်း (သို့မဟုတ်) ဒဏ်နှစ်ရပ်လုံး ချမှတ်နိုင်ကြောင်းနှင့် ဤကန့်သတ်ချက်ကို အမိန့်တစ်စုံတစ်ရာ ထပ်မံမထုတ်ပြန်မချင်း ကျင့်သုံးသွားမည်ဖြစ်ကြောင်း သိရသည်။
