အီရန်ရေတပ်သားများကိုနေရပ်ပြန်လွှဲမပေးရန်သီရိလင်္ကာကိုဖိအားပေး

သီရိလင်္ကာနိုင်ငံအနီး အမေရိကန်ရေငုပ်သင်္ဘော၏ တိုက်ခိုက်မှုကြောင့် နှစ်မြှုပ်ခံလိုက်ရသည့် အီရန်စစ်သင်္ဘော IRIS Dena မှ အသက်ရှင်ကျန်ရစ်သူ ၃၂ ဦးနှင့် သီရိလင်္ကာစီးပွားရေးဇုန်အတွင်း ပိတ်မိနေသဖြင့် ထိန်းသိမ်းထားသည့် IRIS Bushehr သင်္ဘောမှ အမှုထမ်း ၂၀၈ ဦးတို့ကို အီရန်နိုင်ငံသို့ ပြန်လည်လွှဲပြောင်းပေးအပ်ခြင်း မပြုရန် အမေရိကန်ပြည်ထောင်စုက သီရိလင်္ကာအစိုးရကို ဖိအားပေးနေကြောင်း သိရသည်။ ကိုလံဘိုရှိ အမေရိကန်သံရုံး တာဝန်ခံ ဂျေးနီဟောင်းဝဲလ်က အဆိုပါရေတပ်သားများကို အီရန်ဘက်က ဝါဒဖြန့်ချိရေးအတွက် အသုံးချမည့်အရေးကို လျှော့ချရန် သီရိလင်္ကာအာဏာပိုင်များကို အလေးပေးပြောကြားခဲ့သည်။ သီရိလင်္ကာသမ္မတ အန်နူရာကူမာရာ ဒစ်ဆာနာယာကီကမူ လူသားချင်းစာနာထောက်ထားမှုအရ အဆိုပါသင်္ဘောသားများကို လက်ခံထားခြင်းဖြစ်ကြောင်း ပြောကြားထားပြီး အမေရိကန်၏ တောင်းဆိုမှုအပေါ် သီရိလင်္ကာနှင့် အမေရိကန်နိုင်ငံခြားရေးဌာနတို့က တစ်စုံတစ်ရာ မှတ်ချက်ပေးခြင်း မရှိသေးပေ။