၂၀၂၆ ခုနှစ် အေအက်ဖ်စီ အမျိုးသမီးအာရှဖလား အုပ်စုအဆင့် ဒုတိယပွဲစဉ်တွင် လီချင်ထုန် ၏ နှစ်ကြိမ်တိုင်တိုင် ဂိုးသွင်းယူမှုနှင့်အတူ ၃-၀ ဂိုးဖြင့် တရုတ်အသင်းက ဥဇဘက်ကစ္စတန်အသင်းကို အနိုင်ရရှိပြီး ကွာတားဖိုင်နယ်အဆင့်သို့ တက်လှမ်းသွားခဲ့ပြီဖြစ်သည်။တရုတ်အသင်းက လွှမ်းမိုးထားသော စွမ်းဆောင်ရည်ဖြင့် ဘောလုံး ၂၇ ကြိမ် ကန်သွင်းခဲ့ပြီး ၇၈ ရာခိုင်နှုန်း ဘောလုံးပိုင်ဆိုင်မှုရှိခဲ့ပြီး ဥဇဘက်ကစ္စတန်အသင်းကမူ တစ်ကြိမ်မျှ ဂိုးမသွင်းနိုင်ခဲ့ပေ။တိုက်စစ်မှူး ရှောက်ကျစ်ချင်း က ပွဲချိန် မိနစ် ၃၀ တွင် ပင်နယ်တီရရှိခဲ့ပြီး အဖွင့်ဂိုးကို သွင်းယူနိုင်ခဲ့သည်။ဥဇဘက်ကစ္စတန်အသင်းမှ အားနည်းသော ကာကွယ်ရှင်းထုတ်မှုအပြီးတွင် လီက ပွဲချိန် ၅၁ မိနစ်၌ ဂိုးဧရိယာအစွန်မှ မြှောက်ကန်ဘောဖြင့် တရုတ်အသင်း၏ ဒုတိယဂိုးကို သွင်းယူခဲ့သည်။ပွဲချိန် ၇၇ မိနစ်တွင် ကျန်းရှင်း မှ ပေးပို့ခဲ့သည့် ညာခြမ်းမှ ဖြတ်တင်ဘောကို လီက ဥဇဘက်ကစ္စတန်အသင်း၏ ခံစစ်ကစားသမားများကို ကျော်ဖြတ်ကာ ခေါင်းတိုက်ဂိုးသွင်းယူနိုင်ခဲ့ပြီး တရုတ်အသင်း အောင်ပွဲဆင်ခဲ့ခြင်း ဖြစ်သည်။
