တရုတ်နိုင်ငံက ရပ်ရွာသက်ကြီးရွယ်အိုစောင့်ရှောက်မှုကဏ္ဍကို ငါးနှစ်အတွင်း ၇၀ ရာခိုင်နှုန်း လွှမ်းခြုံနိုင်ရန် ရည်ရွယ်ကြောင်း တာဝန်ရှိသူ ပြောကြား

တရုတ်နိုင်ငံက ၁၅ ကြိမ်မြောက် ငါးနှစ်စီမံကိန်းကာလ (၂၀၂၆-၂၀၃၀) အတွင်း ရပ်ရွာသက်ကြီးရွယ်အိုစောင့်ရှောက်ရေးဝန်ဆောင်မှုအဖွဲ့အစည်းများနှင့် အဆောက်အအုံများ၏ လွှမ်းခြုံမှုနှုန်းကို ၇၀ ရာခိုင်နှုန်းကျော်အထိ မြှင့်တင်ရန် ကြိုးပမ်းမည်ဖြစ်ကြောင်း အမျိုးသားဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးကော်မရှင် အကြီးအကဲ ကျိန့်ရှန်းကျယ်က မတ် ၆ ရက်၌ ပြောကြားခဲ့သည်။အဆိုပါကြိုးပမ်းမှုမှာ နေအိမ်တွင်းအခြေပြု သက်ကြီးရွယ်အိုစောင့်ရှောက်မှုလိုအပ်ချက်များကို ဖြေရှင်းရန်၊ သက်ကြီးရွယ်အိုများနေထိုင်ရာရပ်ရွာများရှိ သက်ကြီးရွယ်အိုဝန်ဆောင်မှုအဆောက်အအုံများ ကွာဟချက်များကို ဖြေရှင်းရန်နှင့် အစားအစာထောက်ပံ့မှု၊ ဆေးဘက်ဆိုင်ရာအကူအညီနှင့် အရေးပေါ်အကူအညီကဲ့သို့သော ရပ်ရွာဝန်ဆောင်မှုများကို မြှင့်တင်ရန် ရည်ရွယ်ကြောင်း လက်ရှိကျင်းပနေသည့် ပြည်လုံးဆိုင်ရာဥပဒေပြုအဖွဲ့အစည်းအဝေးအတွင်း ပြုလုပ်သည့် သတင်းစာရှင်းလင်းပွဲ၌ ကျိန့်က ပြောကြားခဲ့သည်။