စုံ/မ စနစ်ဖြင့် ယာဉ်မောင်းနှင်ရေး ညွှန်ကြားချက်ကို မလိုက်နာပါက ရာဇသတ်ကြီးပုဒ်မ ၁၈၈ ဖြင့် ထောင်ဒဏ် (၁) လနှင့် ငွေဒဏ်ချမှတ်ရန် အမိန့်ထုတ်ပြန်

စက်သုံးဆီချွေတာရေး အစီအစဉ်အရ ရန်ကုန်၊ မန္တလေးနှင့် နေပြည်တော် အပါအဝင် မြို့ကြီးများတွင် ယာဉ်နံပါတ်အလိုက် စုံရက်၊ မရက် ခွဲခြားမောင်းနှင်ရန် ညွှန်ကြားထားမှုကို ဖောက်ဖျက်ပါက ရာဇသတ်ကြီးဥပဒေပုဒ်မ ၁၈၈ (ဒေသန္တရအမိန့်အား ဖီဆန်မှု) ဖြင့် အလုပ်မဲ့ထောင်ဒဏ် (၁) လနှင့် ငွေဒဏ် ၂ သောင်း ကျပ် ချမှတ်အရေးယူရန် လျှို့ဝှက်အမိန့် ထုတ်ပြန်ထားကြောင်း သိရသည်။ အဆိုပါကိစ္စကို စစ်ဆေးရန် ဌာနစုံပါဝင်သည့် One Stop Service အဖွဲ့များကို ဖွဲ့စည်းထားပြီး မတ်လ ၇ ရက်မှ ၁၃ ရက်အထိကို ပညာပေးကာလအဖြစ် သတ်မှတ်ထားကာ၊ မတ်လ ၁၄ ရက်နေ့မှစတင်၍ ဖမ်းဆီးအရေးယူမှုများ တိုက်ရိုက်လုပ်ဆောင်သွားမည်ဖြစ်သည်။ ဤကန့်သတ်ချက်မှာ အရှေ့အလယ်ပိုင်းစစ်ပွဲကြောင့် ရေနံဈေးနှုန်း မြင့်တက်လာမှုအပေါ် စက်သုံးဆီသုံးစွဲမှုကို ထိန်းချုပ်ရန် ကြိုးပမ်းခြင်းဖြစ်ကြောင်းလည်း သတင်းတွင် ဖော်ပြထားသည်။