တရုတ်နိုင်ငံသည် အရှေ့အလယ်ပိုင်းဒေသ ပဋိပက္ခဖြစ်ပွားသူများအပါအဝင် သက်ဆိုင်ရာဘက်အသီးသီးနှင့် ဆွေးနွေးညှိနှိုင်းမှုများကိုထိန်းသိမ်းရန်၊ ကြားဝင်ဖျန်ဖြေမှုများအရှိန်မြှင့် ရန်နှင့် ဘုံသဘောတူညီမှုများ ရရှိရန် ဆက်လက်လုပ်ဆောင်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က မတ် ၅ ရက် နေ့စဉ်သတင်းစာရှင်းလင်းပွဲ၌ ပြောကြားခဲ့သည်။ အမေရိကန်နှင့် အစ္စရေးတို့က အီရန်အား စစ်ရေးတိုက်ခိုက်မှုများ လုပ်ဆောင်ပြီးနောက် ဒေသတွင်း တင်းမာမှုများ မြင့်တက်လာခြင်းနှင့်စပ်လျဉ်း၍ မေးမြန်းမှုများကို ပြောခွင့်ရပုဂ္ဂိုလ် မော်နင်က အထက်ပါအတိုင်း မှတ်ချက်ပြုဖြေကြားခဲ့ခြင်း ဖြစ်သည်။
တရုတ်နိုင်ငံက အရှေ့အလယ်ပိုင်းအရေးဆိုင်ရာ တရုတ်အစိုးရ၏ အထူးသံတမန် ကျိုက်ကျွင်းအား တင်းမာမှုအခြေအနေ အရှိန်လျော့ကျရေးလုပ်ဆောင်ရန် မကြာမီကာလအတွင်း ယင်းဒေသသို့ စေလွှတ်မည်ဖြစ်ကြောင်း အထက်ပါ ပြောခွင့်ရပုဂ္ဂိုလ်က ဆိုသည်။
