တရုတ်နိုင်ငံ၏ ထိပ်တန်းနိုင်ငံရေးအတိုင်ပင်ခံအဖွဲ့ နှစ်ပတ်လည်အစည်းအဝေးကို မတ် ၄ ရက်မှ ၁၁ ရက်အထိ ကျင်းပမည်

တရုတ်နိုင်ငံ၏ ထိပ်တန်း နိုင်ငံရေးအတိုင်ပင်ခံအဖွဲ့ဖြစ်သော တရုတ်ပြည်သူ့နိုင်ငံရေးအတိုင်ပင်ခံကွန်ဖရင့် (CPPCC) ၏ နှစ်ပတ်လည်အစည်းအဝေးကို ပေကျင်းမြို့တွင် မတ် ၄ ရက်မှ ၁၁ ရက်အထိ ကျင်းပမည်ဖြစ်ကြောင်း အစည်းအဝေး၏ ပြောရေးဆိုခွင့်ရှိသူက မတ် ၃ ရက်၌ ပြောကြားခဲ့သည်။ ၁၄ ကြိမ်မြောက် CPPCC ပြည်လုံးဆိုင်ရာကော်မတီ၏ စတုတ္ထအကြိမ်အစည်းအဝေးကို မတ် ၄ ရက် မွန်းလွဲ ၃ နာရီတွင် စတင်ကာ မတ် ၁၁ ရက် နံနက်ပိုင်း၌ ကျင်းပပြီးစီးမည်ဖြစ်ကြောင်း ပြောရေးဆိုခွင့်ရှိသူ လျိုကျယ်ရီးက သတင်းစာရှင်းလင်းပွဲ၌ ပြောကြားခဲ့သည်။ အဆိုပါ အစည်းအဝေးအတွင်း အမျိုးသားနိုင်ငံရေးအတိုင်ပင်ခံပုဂ္ဂိုလ်များက CPPCC ပြည်လုံးဆိုင်ရာကော်မတီ၏ အမြဲတမ်းကော်မတီ လုပ်ငန်းအစီရင်ခံစာ၊ နိုင်ငံရေးအတိုင်ပင်ခံပုဂ္ဂိုလ်များ၏ အဆိုပြုချက်များ ကိုင်တွယ်ဆောင်ရွက်ခြင်းဆိုင်ရာအစီရင်ခံစာ စသည်တို့ကို ကြားနာခြင်းနှင့် သုံးသပ်ဆွေးနွေးခြင်း ပြုလုပ်မည်ဖြစ်ကြောင်း ပြောရေးဆိုခွင့်ရှိသူထံမှ သိရသည်။