မိုးကုတ်မြို့နယ်မှာ စက်သုံးဆီဈေးဟာ တစ်ရက်အတွင်း လေးဆနီးပါးအထိ ခုန်တက်သွားတယ်လို့ ဒေသခံတွေက ပြောပါတယ်။စက်သုံးဆီ ၁ ဂါလံကို ယခင်က ၁၈,၀၀၀ ကျပ်နဲ့ ရောင်းချနေရာက မတ်လ ၃ ရက်နေ့မှာ ၃၀,၀၀၀ ကျပ်အထိ မြင့်တက်ခဲ့ပြီး၊ မတ်လ ၄ ရက်နေ့ ဒီကနေ့မှာတော့ ၇၂,၀၀၀ ကျပ်အထိ တစ်ရက်တည်း လေးဆနီးပါး မြင့်တက်သွားခဲ့တာ ဖြစ်တယ်လို့ ဒေသခံတွေက ပြောပါတယ်။အခုလို မိုးကုတ်မြို့မှာ စက်သုံးဆီစျေးမြင့်တက်လာပြီး လိုသလောက်မဝယ်နိုင်တော့တာဟာ အရှေ့အလယ်ပိုင်း စစ်ပွဲတွေနဲ့ ဆက်စပ်ပြီးဖြစ်ပေါ်လာတဲ့ စက်သုံးဆီတင်သွင်းမှုအကျပ်တည်းတွေကြောင့် အဓိကသက်ဆိုင်တာပါ။
