ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စုမှာ ကျောက်တူးဖော်ရေးလုပ်ကွက် မြေစာပုံပြိုကျခဲ့တာကြောင့် အမျိုးသားတစ်ဦးသေဆုံးပြီး တစ်ဦးဒဏ်ရာရရှိခဲ့တယ်လို့ သိရပါတယ်။လုံးခင်း၊ ကုလားမှော်ကျေးရွာက ကျောက်တူးဖော်နေတဲ့လုပ်ကွက်တစ်ခုမှာ မနေ့ မတ်လ ၃ ရက်နေ့ ညနေပိုင်းကမြေစာပြိုကျသွားခဲ့တာဖြစ်တယ်လို့ ဖားကန့်ဒေသခံအမျိုးသားတစ်ဦးကပြောပါတယ်။မြေပြိုမှုကြောင့် လူနှစ်ဦး ခါးလယ်ထိ နစ်မြုပ်သွားခဲ့ပြီး ကယ်ဆယ်နေချိန်အတွင်း ထပ်မံပြိုလာတာကြောင့် တစ်ဦးသေဆုံးသွားခဲ့ရတာဖြစ်တယ်လို့ ဆက်ပြောပါတယ်။သေဆုံးခဲ့သူဟာ အသက် (၄၀)ဝန်းကျင်အရွယ် ကိုကျော်ဟိန်းဆိုသူဖြစ်ပြီး ဇနီးနဲ့ သားသမီး (၃) ဦး ရှိသူဖြစ်ကြောင်း သိရပါတယ်။
