မီနပ်ဘ်မြို့ မူလတန်းကျောင်း ဒုံးကျည်ထိမှန်မှုကြောင့် သေဆုံးခဲ့သည့် ကျောင်းသူ ၁၇၀ ကျော်အတွက် အီရန်တွင် ဈာပနအခမ်းအနား ကျင်းပ

အီရန်နိုင်ငံတောင်ပိုင်း မီနပ်ဘ်မြို့ရှိ ရှဂျားယက်တားယက် မူလတန်းကျောင်း ဒုံးကျည်တိုက်ရိုက်ထိမှန်မှုကြောင့် သေဆုံးခဲ့ရသည့် ကျောင်းသူ ၁၇၀ ကျော်အတွက် ဈာပနအခမ်းအနားကို မတ်လ ၃ ရက်နေ့တွင် ကျင်းပခဲ့ကြောင်း အီရန်အစိုးရမီဒီယာများက သတင်းထုတ်ပြန်သည်။ ဖေဖော်ဝါရီ ၂၈ ရက်တွင် ဖြစ်ပွားခဲ့သော အဆိုပါတိုက်ခိုက်မှုမှာ လက်ရှိအီရန်နှင့် အမေရိကန်-အစ္စရေး ပဋိပက္ခအတွင်း အသေအပျောက် အများဆုံးဖြစ်ရပ်တစ်ခု ဖြစ်လာခဲ့ပြီး၊ အမေရိကန်နိုင်ငံခြားရေးဝန်ကြီး ရူဘီယိုကမူ ယင်းဖြစ်ရပ်နှင့် ပတ်သက်၍ စစ်ဘက်ဆိုင်ရာဝန်ကြီးဌာနမှ စုံစမ်းစစ်ဆေးသွားမည်ဟု မတ်လ ၂ ရက် သတင်းစာရှင်းလင်းပွဲတွင် ပြောကြားခဲ့သည်။ ကျောင်းသူလေးများ၏ မိသားစုဝင်များနှင့် အီရန်ပြည်သူအများအပြား တက်ရောက်ခဲ့သည့် ဈာပနအခမ်းအနားတွင် ကယ်ဆယ်ရေးအဖွဲ့များက ကျောင်းပျက်စီးပုံများကြားမှ ရုပ်အလောင်းများနှင့် ကျောင်းသုံးပစ္စည်းများကို ဝမ်းနည်းဖွယ် ရှာဖွေခဲ့ရသည့် အခြေအနေများကို တင်ပြခဲ့ကြကြောင်း သိရသည်။