အာကာသဆိုင်ရာ ပန်းချီ၊ ကာတွန်း၊ ပိုစတာပြိုင်ပွဲ ဆုချီးမြှင့်ပွဲသို့ အကယ်ဒမီ မယ်လိုဒီ တက်ရောက်အားပေး

ရန်ကုန်မြို့၊ ပြည်သူ့ရင်ပြင်၌ ကျင်းပသည့် အခြေခံပညာအဆင့် အာကာသဆိုင်ရာ ပန်းချီ၊ ကာတွန်းနှင့် ပိုစတာပြိုင်ပွဲ၏ ဆုချီးမြှင့်ပွဲအခမ်းအနားသို့ သရုပ်ဆောင် အကယ်ဒမီ မယ်လိုဒီ တက်ရောက်ခဲ့ပြီး ဆုရရှိခဲ့ကြသည့် ကျောင်းသား၊ ကျောင်းသူ ၁၁၇ ဦး၏ ထူးချွန်ပြောင်မြောက်လှသော လက်ရာမွန်များကို လှည့်လည်ကြည့်ရှု အားပေးခဲ့ကြောင်း သိရသည်။ မတ်လ ၃ ရက် တွင် ပြုလုပ်သည့် အဆိုပါအခမ်းအနား၌ မယ်လိုဒီသည် လူငယ်မောင်မယ်များ၏ အာကာသသိပ္ပံဆိုင်ရာ စိတ်ကူးစိတ်သန်းများကို ချီးကျူးစကားဆိုခဲ့ပြီး ပြိုင်ပွဲဝင်လက်ရာများကို စိတ်ပါဝင်စားစွာ လေ့လာကြည့်ရှုခဲ့ခြင်း ဖြစ်သည်။