၂၀၂၆ ခုနှစ်အတွင်း ပထမဆုံးအကြိမ်အဖြစ် လအပြည့်အဝကြတ်သည့်ဖြစ်စဉ်ကို မတ်လ ၃ ရက် ညပိုင်းတွင် မြန်မာနိုင်ငံအပါအဝင် အာရှ၊ ဩစတြေးလျနှင့် အမေရိကတိုက်တို့၌ မြင်တွေ့ခဲ့ရကြောင်း မြန်မာနိုင်ငံ နက္ခတ္တဗေဒနှင့် သိပ္ပံဝါသနာရှင်များအသင်း (MASES) မှ သိရသည်။ ယခုဖြစ်စဉ်တွင် လ၏အရောင်သည် ပိုမိုနီမြန်းသော Blood Moon အဖြစ် ထင်ရှားစွာပေါ်ပေါက်ခဲ့ပြီး၊ ဤကဲ့သို့သော လကြတ်ခြင်းဖြစ်စဉ်များသည် ကောင်းကင်ယံ၏ သဘာဝဖြစ်စဉ်များသာဖြစ်ကာ သိပ္ပံနည်းကျဆန်းစစ်ချက်များအရ လူသားတို့၏ နိုင်ငံရေး၊ စီးပွားရေးနှင့် ကံကြမ္မာများအပေါ် သက်ရောက်မှုတစ်စုံတစ်ရာမရှိကြောင်း MASES က အသိပေးထားသည်။
