အရှေ့အလယ်ပိုင်းလေပိုင်နက်တွေပိတ်လို့ခရီးစဉ်တွေ ကမောက်ကမဖြစ်

အီရန်၊ အီရတ်နှင့် အာရပ်စော်ဘွားများပြည်ထောင်စု အပါအဝင် အရှေ့အလယ်ပိုင်းနိုင်ငံအတော်များများ၏ လေပိုင်နက်များကို ရုတ်တရက်ပိတ်လိုက်ခြင်းကြောင့် ကမ္ဘာတစ်ဝန်းရှိ လေယာဉ်ခရီးစဉ်ထောင်ပေါင်းများစွာ ဖျက်သိမ်းခြင်းနှင့် လမ်းကြောင်းပြောင်းခြင်းများ ဖြစ်ပေါ်ခဲ့ကာ လေကြောင်းကဏ္ဍတွင် ကပ်ရောဂါနောက်ပိုင်း အဆိုးဝါးဆုံး အကျပ်အတည်းဆိုက်ရောက်နေသည်။ ဒေသတွင်း ပဋိပက္ခများကြောင့် ဒူဘိုင်း၊ အဘူဒါဘီနှင့် ဒိုဟာရှိ အရေးပါသော လေကြောင်းဗဟိုချက်များတွင် လုပ်ငန်းလည်ပတ်မှုများ ရပ်တန့်သွားခဲ့ပြီး ဒူဘိုင်းလေဆိပ်တွင် ဒုံးကျည်နှင့် ဒရုန်းတိုက်ခိုက်မှုများကြောင့် ခရီးသည်နှင့် ဝန်ထမ်းအချို့ ထိခိုက်ဒဏ်ရာရရှိမှုများပင် ရှိခဲ့သည်။ အမ်းမရိတ်စ်နှင့် ကာတာအဲရ်ဝေးစ် အစရှိသည့် လေကြောင်းလိုင်းကြီးများသည် ခရီးစဉ်များကို ရပ်ဆိုင်းထားရသဖြင့် ခရီးသည်ပေါင်းများစွာ သောင်တင်နေပြီး လေဆိပ်အာဏာပိုင်များက ခရီးသည်များအနေဖြင့် သက်ဆိုင်ရာ လေကြောင်းလိုင်းများ၏ အထူးညွှန်ကြားချက်မရှိဘဲ လေဆိပ်သို့ မလာရောက်ကြရန် အရေးပေါ်သတိပေးချက်များ ထုတ်ပြန်ထားကြောင်း သိရသည်။