ယနေ့ မတ်လ (၂) ရက်၊ တောင်သူလယ်သမားနေ့ အထိမ်းအမှတ်အဖြစ် စစ်ကောင်စီ လွတ်ငြိမ်းပေးရာတွင် ရှင်ဒေဝီလည်း ပါဝင်လာခြင်းဖြစ်သည်။မှတ်တမ်းရုပ်ရှင်ဖန်တီးသူ ရှင်ဒေဝီကို ပြီးခဲ့သည့် ၂၀၂၃ ခုနှစ်၊ အောက်တိုဘာလ (၁၅)ရက်တွင် စစ်တပ်က ဖမ်းဆီးခဲ့ပြီးနောက် ၂၀၂၄ ဇန်နဝါရီလ (၁၀)ရက်တွင် ရန်ကုန်မြို့၊ အင်းစိန်ထောင်တွင်းတရားရုံး စစ်ခုံရုံးမှ အကြမ်းဖက်မှုတိုက်ဖျက်ရေးဥပဒေပုဒ်မ ၂ခုတပ်ကာ ထောင်ဒဏ်တစ်သက်ချမှတ်ခဲ့ခြင်းဖြစ်သည်။ ရှင်ဒေဝီသည် ၁၉၈၈ခုနှစ်ကတည်းက စစ်အာဏာသိမ်းမှုကို ဆန့်ကျင်ခဲ့သူဖြစ်ပြီး ၂၀၀၇ ရွှေဝါရောင်အရေးအခင်းအကြောင်း မှတ်တမ်းတင်ရိုက်ကူးခဲ့သူလည်းဖြစ်သည်။
