ပါမောက္ခချုပ်ဆရာတော်ဘုရားကြီး သက်တော် (၈၆)နှစ်ပြည့်ပြီဖြစ်

ပါမောက္ခချုပ်ဆရာတော်ဘုရားကြီး ဒေါက်တာနန္ဒမာလာဘိဝံသသည် ယနေ့မတ်၂ရက်(တပေါင်းလပြည့်နေ့)၌ သက်တော် (၈၆)နှစ်ပြည့်ခဲ့ပြီ ဖြစ်သည်။ ဆရာတော်ကြီးကို ၁၃၀၁ ခုနှစ်၊ တပေါင်းလပြည့်နေ့တွင် မန္တလေးတိုင်း၊ စဉ့်ကူးမြို့နယ်၊ နွယ်ရုံကျေးရွာ၌ ဖွားမြင်ခဲ့ခြင်း ဖြစ်သည်။ယခုအခါ သက်တော် (၈၆) နှစ်၊ ဝါတော် (၆၆) ဝါ ရှိပြီလည်း ဖြစ်သည်။လူမှုကွန်ယက်၌လည်း “ဆရာတော်ကြီး သက်တော်ရာကျော် ရှည်ပါစေ၊ သာသနာ့တာဝန်များကို ကျန်းမာရွှင်လန်းစွာဖြင့် ဆက်လက်ထမ်းဆောင်နိုင်ပါစေ" ဟု ဆုတောင်းမေတ္တာ ပို့သသူများလည်း ရှိနေသည်။