ယနေ့ တပေါင်းလပြည့်နေ့၌ မဟာမုနိရုပ်ရှင်တော်မြတ်ကြီးသို့ ဘုရားဖူးများလာရောက်ကာ ဆွမ်း၊ ပန်းရေချမ်းနှင့် သစ်သီးဆွမ်းများကို ကပ်လှူပူဇော်

ယနေ့ မတ်လ ၂ရက်(တပေါင်းလပြည့်နေ့) နံနက်အာရုဏ်တက်ချိန်တွင် မန္တလေးမြို့၊ မဟာမုနိရုပ်ရှင်တော်မြတ်ကြီးအား ရေတော်ဆရာတော်အမှူးပြု၍ ဗုဒ္ဓဝေယျာဝစ္စအဖွဲ့က မျက်နှာသစ်တော်ရေဆက်ကပ်ပြီးနောက် ဘုရားဖူးပြည်သူများ လာရောက်ဆက်ကပ်ကြသည့် ဆွမ်း၊ ပန်းရေချမ်းနှင့် သစ်သီးဆွမ်းများကို ကပ်လှူပူဇော်နေသည့် မြင်ကွင်းများဖြစ်သည်။တပေါင်းလသည် မြန်မာလများတွင် ၁၂-လမြောက်ဖြစ်သည်။ တနှစ်တာ၏ နောက်ဆုံးလဖြစ်သည်။ တပေါင်းလ၏ ပထမလဝက်သည်ဆောင်းရာသီတွင် ကျရောက်သည်။ ဒုတိယလဝက်ကား နွေရာသီတွင် ကျရောက်သည်။ ဆောင်းကုန် နွေအစ သာယာလှပသော လရာသီဖြစ်သည်။ ထို့ကြောင့် ခေတ်အဆက်ဆက် စာဆိုတို့သည် တပေါင်းလ၏အလှကို ရေးဖွဲ့ကြသည်မှာယနေ့တိုင်ဖြစ်သည်။ တပေါင်းလသည် ရာသီဥတု သာယာသည်နှင့်အမျှ သာသနာရေးတွင်လည်း မှတ်တမ်းတင်သင့်သော ဖြစ်ရပ်ကြီးများ ပေါ်ထွန်းခဲ့သည်။