" ASEAN Youth Business Summit 2026 ကို ဖိလစ်ပိုင်နိုင်ငံတွင် ကျင်းပမည် "

အာဆီယံဒေသတွင်း လူငယ်စီးပွားရေးခေါင်းဆောင်များနှင့် လုပ်ငန်းရှင်များ စုစည်းမည့် ASEAN Youth Business Summit 2026 ကို ၂၀၂၆ ခုနှစ်၊ မတ်လ ၂၄ ရက်မှ ၂၆ ရက်အထိ ဖိလစ်ပိုင်နိုင်ငံ၊ San Pedro Laguna မြို့တွင် ကျင်းပသွားမည်ဖြစ်သည်။ ASEAN Youth Business Council နှင့် JCI San Pedro Portal Key တို့ ပူးပေါင်းစီစဉ်သည့် ဤဆွေးနွေးပွဲသည် ဒေသတွင်းစီးပွားရေးမိတ်ဖက်ဆက်ဆံရေး တိုးချဲ့ရန်နှင့် ကုန်သွယ်ရေးအခွင့်အလမ်းသစ်များ ရှာဖွေရန် ရည်ရွယ်ပြီး၊ တက်ရောက်သူများအနေဖြင့် Biñan နှင့် Santa Rosa ရှိ စက်မှုဇုန်များသို့ လေ့လာရေးခရီးစဉ်များလည်း ပါဝင်မည်ဖြစ်သည်။ တက်ရောက်လိုသူများအတွက် မှတ်ပုံတင်ကြေးမှာ အမေရိကန်ဒေါ်လာ ၅၀၀ (သို့မဟုတ် ဖိလစ်ပိုင်ပီဆို ၃၀,၀၀၀) သတ်မှတ်ထားပြီး ဟိုတယ်နေထိုင်စရိတ်၊ အစားအသောက်နှင့် ပြည်တွင်းသယ်ယူပို့ဆောင်ရေးစရိတ်များ ပါဝင်မည်ဖြစ်ကြောင်း သိရသည်။