ကယားပြည်နယ်၊ဒီးမော့ဆိုမြို့နယ်အရှေ့ဘက်ခြမ်းမှာ လူငယ်စွမ်းရည်မြှင့်တင်ရေးသင်တန်း ဆင်းပွဲ ပြုလုပ်

ကယား(ကရင်နီ)ပြည်နယ်၊ ဒီးမော့ဆိုမြို့နယ် အရှေ့ဘက်ခြမ်းတနေရာမှာ ဒီးမော့ဆိုရှေ့မြို့နယ်လူငယ်ရေးရာဌာန နဲ့ ကယားလီဖုလူငယ် (မော့ဘူးဒီးလေ့ဒေသ လူငယ်) တို့ ပူးပေါင်းပြီး လူငယ်စွမ်းရည်မြှင့်တင်ရေးသင်တန်း (Personal Development Training) ဆင်းပွဲကို မနေ့ ဖေဖော်ဝါရီလ ၂၈ ရက်နေ့မှာ ကျင်းပပြုလုပ်ခဲ့တယ်လို့ သိရပါတယ်။အဆိုပါ သင်တန်းကို ဖေဖော်ဝါရီလ ၂၃ ရက်နေ့ကနေ ၂၇ ရက်နေ့အထိ (၅) ရက်တာ သင်ကြားပေးခဲ့တာ ဖြစ်ပါတယ်။ အမျိုးသမီး ၁၇ ဦးနဲ့ အမျိုးသား ၉ ဦး စုစုပေါင်း လူငယ် ၂၆ ဦးကို သင်တန်းဆင်းလက်မှတ် ပေးအပ်ခဲ့တယ်လို့ သိရပါတယ်။