မန္တလေး၌ နတ်ပွဲရာသီအတွင်း သပြေပန်းများ ဈေးတက်

မန္တလေး၌ နတ်ပွဲရာသီရောက်ရှိလာမှုနှင့်အတူ ပွဲတော်ကာလအတွင်း သပြေပန်းဈေးနှုန်းများ နှစ်ဆကျော်အထိမြင့်တက်လာခဲ့ကြောင်း မန္တလေးမြို့ခံများထံမှ သိရသည်။တပေါင်းလ မိဆိုင်ဖဆိုင်ပွဲ၊ စစ်ပြန်ပွဲအပါအဝင် နယ်မြေဒေသအသီးသီး၌ နတ်ပွဲများပြုလုပ်သည့်ကာလဖြစ်ပြီး ကန်တော့ပွဲများ၊ သပြေပန်းများဖြင့်ပူဇော်ပသလေ့ရှိသည့် ရာသီလည်းဖြစ်သည်။သပြေပန်းများမှာ ပုံမှန်လက်ဆုပ်စည်းတစ်စည်းလျှင် ယခင်က ကျပ် ၇၀၀ ဝန်းကျင်သာရှိခဲ့သော်လည်း လက်ရှိအချိန်တွင် ၂,၀၀၀ မှ ၂,၅၀၀ ကျပ်ဝန်းကျင်အထိ ဈေးနှုန်းများမြင့်တက်ခဲ့ကြောင်း သိရသည်။