ရခိုင်ပြည်နယ် တောင်ကုတ်မြို့နယ်တွင် မြင်းမဒါန်းတောင်ကြိုးပြင်ကာကွယ်တော သတ်မှတ်

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် ရခိုင်ပြည်နယ်၊ တောင်ကုတ်ခရိုင်၊ တောင်ကုတ်မြို့နယ်အတွင်းရှိ ဧရိယာဧက ၇၂,၇၃၀ ကျယ်ဝန်းသည့် မြေနေရာကို "မြင်းမဒါန်းတောင် ကြိုးပြင်ကာကွယ်တော" အဖြစ် သစ်တောဥပဒေနှင့်အညီ သတ်မှတ်ကြောင်း ထုတ်ပြန်ကြေညာခဲ့သည်။ အဆိုပါသတ်မှတ်ချက်ကို ဖေဖော်ဝါရီ ၁၈ ရက်မှ စတင်အတည်ပြုခဲ့ခြင်းဖြစ်ပြီး၊ ရည်ရွယ်ချက်မှာ သဘာဝပတ်ဝန်းကျင်ကာကွယ်ရေးနှင့် ရေမြေထိန်းသိမ်းရေး လုပ်ငန်းစဉ်များကို ပိုမိုအားဖြည့်ဆောင်ရွက်နိုင်ရန်အတွက် ဖြစ်ကြောင်း သိရသည်။