ရွှေလီ–မြန်မာ ကျောက်မျက်ပြပွဲ ပူးတွဲကျင်းပရေး သဘောတူစာချွန်လွှာ လက်မှတ်ရေးထိုး

တရုတ်နိုင်ငံ ကူမင်းမြို့၌ မြန်မာနိုင်ငံနှင့် ယူနန်ပြည်နယ်အစိုးရတို့အကြား မြန်မာ့ကျောက်မျက်ရတနာပြပွဲကို ရွှေလီမြို့တွင် ပူးတွဲကျင်းပနိုင်ရေးအတွက် နားလည်မှုစာချွန်လွှာ (MoU) တစ်ရပ်ကို လက်မှတ်ရေးထိုးခဲ့ကြောင်း သိရသည်။ အဆိုပါသဘောတူစာချွန်လွှာအရ ကျောက်မျက်ရတနာ ကုန်သွယ်မှု တိုးချဲ့နိုင်ရန်၊ ယဉ်ကျေးမှုဖလှယ်ရန်နှင့် ကျောက်စိမ်းအပါအဝင် ကျောက်မျက်ရတနာများ တရားမဝင်သယ်ယူရောင်းဝယ်မှုကို တားဆီးထိန်းချုပ်နိုင်ရန်အတွက် နှစ်ဖက်ပူးပေါင်းဆောင်ရွက်သွားမည်ဖြစ်ကြောင်း သိရသည်။