တနင်္သာရီတိုင်းတွင် “ကရသူရိ ဒီရေတောကြိုးပြင်ကာကွယ်တော” အသစ်သတ်မှတ်

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် တနင်္သာရီတိုင်းဒေသကြီး၊ ဘုတ်ပြင်းခရိုင်အတွင်းရှိ ဧရိယာဧက ၄၁,၈၅၅.၉၆ ကျယ်ဝန်းသည့် မြေနေရာကို "ကရသူရိဒီရေတောကြိုးပြင်ကာကွယ်တော" အဖြစ် သစ်တောဥပဒေနှင့်အညီ သတ်မှတ်ကြောင်း ထုတ်ပြန်ကြေညာခဲ့သည်။ အဆိုပါသတ်မှတ်ချက်ကို ဖေဖော်ဝါရီ ၁၈ ရက်မှ စတင်အတည်ပြုခဲ့ခြင်းဖြစ်ပြီး၊ ရည်ရွယ်ချက်မှာ ဒီရေတောဂေဟစနစ်ကို ရေရှည်တည်တံ့စေရန်၊ သဘာဝတောများ ပြုန်းတီးမှုမှ ကာကွယ်ရန်နှင့် ရေသယံဇာတများ ပေါကြွယ်ဝလာစေရန်အတွက် ဖြစ်ကြောင်း သိရသည်။