၂၀၂၆ ခုနှစ်တွင် ယာဥ်အန္တရာယ်၊ လမ်းအန္တရာယ်ဖြစ်စဥ်များလျော့ကျရေးအတွက် အရှိန်အဟုန်မြှင့်ဆောင်ရွက်မည်

ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC) အနေဖြင့် ယခု ၂၀၂၆ ခုနှစ်အတွင်း ယာဉ်တိုက်ခိုက်မှုဖြစ်စဉ်များ လျော့ကျစေရန်နှင့် သေဆုံး၊ ဒဏ်ရာရသူ အရေအတွက် ကျဆင်းစေရန်အတွက် ယာဉ်မောင်းများအား စနစ်တကျရှိစေရေး အရှိန်အဟုန်မြှင့် အလေးထားဆောင်ရွက်သွားမည်ဖြစ်ကြောင်း YRTC ဒု-ဥက္ကဋ္ဌက ပြောကြားခဲ့သည်။ အဆိုပါ ပြောကြားချက်ကို ဖေဖော်ဝါရီ ၂၇ ရက် နံနက်ပိုင်းက ကျင်းပသည့် ၂၀၂၅ ခုနှစ်အတွက် YBS စံပြယာဉ်မောင်းဆုနှင့် ယာဉ်အန္တရာယ်ကင်းရှင်းရေး စွမ်းဆောင်ဆုရ ကုမ္ပဏီများအား ဂုဏ်ပြုဆုချီးမြှင့်ခြင်း အခမ်းအနားတွင် ထည့်သွင်းပြောကြားခဲ့ခြင်းဖြစ်ပြီး၊ ခရီးသည်တင်ယာဉ်လိုင်းများ၏ စည်းကမ်းလိုက်နာမှုနှင့် ဘေးကင်းလုံခြုံမှုကို ပိုမိုမြှင့်တင်ရန် ရည်ရွယ်ခြင်းဖြစ်ကြောင်း သိရသည်။