ပုသိမ်မြို့က ဇေတဝန်လူငယ်ဖွံ့ဖြိုးရေး ပရဟိတဂေဟာတွင် အလှူရှင်နည်းမှုကြောင့် ကျောင်းတိုက်ရံပုံငွေထဲက သုံး စွဲနေရ

ဧရာဝတီတိုင်းဒေသကြီး၊ ပုသိမ်မြို့ရှိ ၁၉၄၅ ခုနှစ်ကတည်းက စတင်တည်ထောင်ခဲ့သည့် သက်တမ်းရင့် ဇေတဝန်လူငယ်ဖွံ့ဖြိုးရေး ပရဟိတဂေဟာတွင် လက်ရှိ၌ အလှူရှင်များ နည်းပါးလာခြင်းကြောင့် ကလေးငယ်များအတွက် ကျောင်းတိုက်ရံပုံငွေထဲမှ ထုတ်ယူသုံးစွဲနေရကြောင်း သိရသည်။ ဒုတိယကမ္ဘာစစ်အတွင်း မိဘမဲ့ကလေးငယ် ၁၆ ဦးဖြင့် စတင်ခဲ့သည့် အဆိုပါဂေဟာသည် တစ်ချိန်က တိုင်းရင်းသားပေါင်းစုံ ၁၀၀ ကျော်အထိ စောင့်ရှောက်ခဲ့သော်လည်း၊ ကိုဗစ်ကာလနောက်ပိုင်းတွင် လက်ခံမှုကို ကန့်သတ်ခဲ့ရာ လက်ရှိ၌ အသက် ၃ နှစ်မှ ၁၂ နှစ်အရွယ် ယောက်ျားလေး ၅၀ နီးပါးကိုသာ ဆက်လက်စောင့်ရှောက်ထားနိုင်ကြောင်းနှင့် ဂေဟာရေရှည်လည်ပတ်နိုင်ရေးအတွက် အခက်အခဲများ ရှိနေကြောင်း သိရသည်။