လာအိုနိုင်ငံက လာမည့် ၅ နှစ်အတွင်း ကိုယ့်အားကိုယ်ကိုး စီးပွားရေးစနစ် (Self-reliant Economy) ကို ဦးစားပေး တည်ဆောက်သွားမည်

လာအိုအစိုးရသည် ၂၀၂၆ မှ ၂၀၃၀ အထိ အကောင်အထည်ဖော်မည့် (၁၀) ကြိမ်မြောက် အမျိုးသား လူမှု-စီးပွား ဖွံ့ဖြိုးတိုးတက်ရေး ၅ နှစ်စီမံကိန်း (10th Five-Year Plan) အတွင်း နိုင်ငံ၏ စီးပွားရေးကို ပြင်ပအပေါ် မှီခိုမှုလျှော့ချပြီး "လွတ်လပ်၍ ကိုယ့်အားကိုယ်ကိုးနိုင်သော စီးပွားရေးစနစ်" တည်ဆောက်ရန် အဓိက ဦးစားပေး လုပ်ဆောင်သွားမည်ဖြစ်ကြောင်း ဖေဖော်ဝါရီ ၂၄၊ ၂၀၂၆ တွင် ကျင်းပခဲ့သော အစိုးရအဖွဲ့ အစည်းအဝေး၌ အတည်ပြုခဲ့သည်။ဝန်ကြီးချုပ် Sonexay Siphandone က လာအိုနိုင်ငံအနေဖြင့် လက်ရှိကြုံတွေ့နေရသော ငွေကြေးဖောင်းပွမှုနှင့် စီးပွားရေး စိန်ခေါ်မှုများကို ကျော်လွှားနိုင်ရန် ပြည်တွင်းဖြစ် ထုတ်လုပ်မှုများကို မြှင့်တင်ရန်နှင့် နိုင်ငံတော်ဝင်ငွေ ကောက်ခံမှုစနစ်ကို ခေတ်မီအောင် ပြုပြင်ပြောင်းလဲရန် လိုအပ်ကြောင်း အလေးပေး ပြောကြားခဲ့သည်။ ထို့ပြင် ၂၀၂၆ ခုနှစ်အတွင်း နိုင်ငံကို အနည်းဆုံးဖွံ့ဖြိုးတိုးတက်သည့်နိုင်ငံ (LDC) အဆင့်မှ လွတ်မြောက်စေရန် နှင့် နှစ်စဉ် စီးပွားရေးတိုးတက်မှုနှုန်း (GDP) ကို ၆ ရာခိုင်နှုန်း ရှိစေရန် ရည်မှန်းထားသည်။