ရှမ်းပြည်နယ်တောင်ပိုင်း၊ ရွာငံမြို့နယ်၊ နွားဘန်းကြီးကျေးရွာအုပ်စု၊ ပွေးနဖားရွာတွင် ဖေဖော်ဝါရီ ၂၁ ရက်နေ့၌ လင်မယားနှစ်ဦး တိုက်ခိုက်ခံခဲ့ရခြင်းဖြစ်ပြီး ဇနီးဖြစ်သူမှာ အခင်းဖြစ်ပွားရာနေရာတွင်ပင် သေဆုံးသွားခဲ့ကာ ခင်ပွန်းဖြစ်သူမှာ လက်ရှိတွင် တောင်ကြီးဆေးရုံ၌ ဆေးကုသမှု ခံယူနေရသည်။အဆိုပါ ပွေးနဖားကျေးရွာအတွင်းသို့ လက်ရှိတွင် စစ်ကောင်စီတပ်ဖွဲ့များက ဝင်ရောက်စစ်ဆေးမှုများ ပြုလုပ်နေပြီး နွားဘန်းကြီးကျေးရွာတွင်လည်း ညဘက်အချိန်များ၌ အိမ်တိုင်းသို့ လာရောက်ကာ လူစုံမစုံ စစ်ဆေးမှုများ ပြုလုပ်လျက်ရှိသောကြောင့် ဒေသခံများ စိုးရိမ်ထိတ်လန့်နေကြရသည်။
