စင်ကာပူ Punggol မှာ လျှပ်စစ်စကူတာနဲ့ စက်ဘီးတွေ အကြီးအကျယ် အဖမ်းခံနေရ

စင်ကာပူနိုင်ငံ၊ Punggol နယ်မြေအတွင်း လမ်းအန္တရာယ်ကင်းရှင်းစေရန်အတွက် ၂၀၂၆ ခုနှစ် ဖေဖော်ဝါရီ ၉ ရက်မှ ၁၄ ရက်အထိ ၅ ရက်ကြာ အထူးစစ်ဆေးမှုများပြုလုပ်ခဲ့ရာ စည်းကမ်းမလိုက်နာသည့် လျှပ်စစ်စကူတာနှင့် စက်ဘီးအစီးရေ ၄၀ နီးပါးကို အာဏာပိုင်များက သိမ်းဆည်းလိုက်ကြောင်း သိရသည်။ Punggol ရဲတပ်ဖွဲ့နှင့် ကုန်းလမ်းပို့ဆောင်ရေးအာဏာပိုင် (LTA) တို့ ပူးပေါင်းဆောင်ရွက်ခဲ့သည့် ယင်းစစ်ဆေးမှုအတွင်း သတ်မှတ်စံနှုန်းနှင့်မကိုက်ညီသော PMD ၁၇ စီး၊ လျှပ်စစ်စက်ဘီး ၁၂ စီးနှင့် ဘရိတ်မပါသောစက်ဘီး ၈ စီးတို့ကို သိမ်းဆည်းခဲ့ပြီး လူ ၃၈ ဦးကို အရေးယူခဲ့သည်။ စည်းကမ်းဖောက်ဖျက်ပါက ငွေဒဏ် စင်ကာပူဒေါ်လာ ၁၀,၀၀၀ အထိ သို့မဟုတ် ထောင်ဒဏ် ၆ လအထိ ချမှတ်ခံရနိုင်ပြီး၊ အထူးသဖြင့် စက်ဘီးစီးနင်းသူများအနေဖြင့် လက်ဘရိတ်မဖြစ်မနေပါရှိရမည်ဖြစ်ကာ ကားလမ်းပေါ်စီးနင်းပါက ဦးထုပ်ဆောင်းခြင်းနှင့် အုပ်စုလိုက်စီးနင်းမှု စည်းကမ်းများကို တိကျစွာလိုက်နာရန် အာဏာပိုင်များက သတိပေးနှိုးဆော်ထားသည်။