ထိုင်းတွင် အလုပ်ထုတ်ခံရသည့် မြန်မာလုပ်သား ၃၄ ဦးအတွက် လျော်ကြေးငွေ ဘတ် ၁ သန်းကျော် ရရှိရန် ညှိနှိုင်းပေးနိုင်ခဲ့

ထိုင်းနိုင်ငံ၊ ချာချင်ဆောင်ရှိ အသားစက်ရုံတစ်ခုမှ ကြိုတင်အကြောင်းမကြားဘဲ အလုပ်ထုတ်ခံခဲ့ရသည့် မြန်မာလုပ်သား ၃၄ ဦးအတွက် နစ်နာကြေးနှင့် စုငွေ စုစုပေါင်း ဘတ် ၁ သန်းကျော် ရရှိရန် MHAC အဖွဲ့၏ ကူညီမှုဖြင့် ညှိနှိုင်းနိုင်ခဲ့ကြောင်း သိရသည်။ အဆိုပါ လုပ်သားများသည် ပြီးခဲ့သည့် ဖေဖော်ဝါရီ ၁၆ ရက်တွင် စီးပွားရေးကျဆင်းမှု အကြောင်းပြချက်ဖြင့် အလုပ်ထုတ်ခံခဲ့ရခြင်းဖြစ်ပြီး၊ ၎င်းတို့အနက်မှ ၂၅ ဦးအတွက် လုပ်သက်လိုက်နစ်နာကြေးများကို လာမည့် မတ်လ ၁၀ ရက်တွင် ပေးအပ်ရန် သဘောတူညီခဲ့ကြသည်။ ဖေဖော်ဝါရီ ၂၃ ရက်က ပြုလုပ်ခဲ့သော ညှိနှိုင်းပွဲတွင် လုပ်ငန်းရှင်ဘက်မှ လျော်ကြေးငွေများ ပေးအပ်ရန်အပြင် အလုပ်သမားများ၏ ဗီဇာနှင့် ဘတ်ရိုက်ထားသည့် သက်တမ်းတိုး လုပ်ငန်းစဉ်များကိုလည်း ဆက်လက်ဆောင်ရွက်ပေးရန် သဘောတူခဲ့ကြောင်း သိရသည်။